Bakı 22° C
Azərbaycanda TOP-10 özəl şirkətin qeyri-neft ixracının dəyəri 2 dəfədən çox artıb
- 29 sentyabr, 2026
- 19:34
Yeniliklərdən dərhal xəbərdar olun!
Bu ilin yanvar-avqust aylarında Azərbaycanın özəl şirkətləri arasında qeyri-neft məhsullarının ən böyük ixracatçısı "Azerbaijan International Mining Company Limited" MMC olub.
"Report" İqtisadi İslahatların Təhlili və Kommunikasiya Mərkəzinə istinadən xəbər verir ki, şirkətin qeyd olunan dövrdə məhsul ixracı 245,7 milyon ABŞ dolları (il ərzində artım 3,29 dəfə və ya 171 milyon ABŞ dolları) təşkil edib.
Hesabat dövründə Azərbaycanın qeyri-neft sektorunda fəaliyyət göstərən 10 özəl şirkət 697,1 milyon ABŞ dolları məbləğində ixrac həyata keçirib ki, bu da ötən ilin eyni dövrü (299,43 milyon ABŞ dolları) ilə müqayisədə 2,33 dəfə və ya 397,67 milyon ABŞ dolları çoxdur.
Qeyri-neft məhsulları ixrac edən ən böyük 10 Azərbaycan şirkəti:
| Şirkət | 2026-cı ilin 8 ayında ixracın həcmi (milyon ABŞ dolları) | 2025-ci ilin 8 ayında ixracın həcmi (milyon ABŞ dolları) | Faiz fərqi |
| "Azerbaijan International Mining Company" MMC | 245,7 | 74,7 | 3,29 dəfə |
| "Prime Cotton" MMC | 102,9 | 84 | 22,5 % |
| "Azərbaycan Şəkər İstehsalat Birliyi" MMC | 90,9 | 39,3 | 2,31 dəfə |
| "Baku Steel Company" QSC | 54 | 41,3 | 30,75 % |
| "Prime Export" MMC | 43,9 | 0 | - |
| "Tabaterra" MMC | 40,6 | 23 | 76,52 % |
| "West Stream" MMC | 32,3 | 0 | - |
| "Agrarco" MMC | 31 | 10,4 | 2,98 dəfə |
| "Silk Way Airlines" MMC | 28,5 | 0,03 | 950 dəfə |
| "P-Aqro" MMC | 27,3 | 26,7 | 2,25 % |
Qeyd edək ki, hesabat dövründə Azərbaycanın qeyri-neft-qaz ixracı dəyər ifadəsində ötən ilin eyni dövrü ilə müqayisədə 17,6 % artaraq 2,81 milyard ABŞ dollarına çatıb.
Müəllif
