Azərbaycanda faydalı qazıntı yatağı 169 min manata hərraca çıxarılır

İqtisadiyyat Nazirliyi yanında Əmlak Məsələləri Dövlət Xidməti (ƏMDX) Qazax rayonunda yerləşən “Daş Salahlı” bentonit gili yatağını hərraca çıxarır.

"Report" quruma istinadən xəbər verir ki, hərrac iyunun 14-də, saat 15:00-da keçiriləcək.

Sahəsi 8,5 hektar olan yatağın ilkin satış qiyməti 169 400 manatdır. Bu məbləğin 10%-i beh kimi ödənilməlidir.

Hərracda iştirak etmək istəyən fiziki və hüquqi şəxslər hərracla bağlı məlumat almaq, xidmət haqqı və 10% miqdarında beh məbləğini ödəmək üçün ƏMDX-nın Əmlak Xidmətləri Məkanına (Bakı şəhəri, Nizami rayonu, Xəlil Rza Ulutürk küçəsi, 20) müraciət edə bilərlər. Çağrı mərkəzi: 193, tel: (012) 566-07-44.