Azərbaycanda antiinhisar və haqsız rəqabət halları üzrə qaldırılmış işlər 3 dəfə artıb

Ötən il Azərbaycanda 2021-ci illə müayisədə antiinhisar və haqsız rəqabət halları üzrə qaldırılmış işlər 3 dəfə, baxılması başa çatmış işlər 2,2 dəfə artıb.

"Report" xəbər verir ki, bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli qurumun 2022-ci ilin yekunlarına həsr olunmuş mətbuat konfransında deyib.

M. Abbasbəyli bildirib ki, ümumilikdə ötən il antiinhisar və haqsız rəqabət halları üzrə 60 iş qaldırılıb:

"Bunlardan 48-inin baxılması başa çatdırılıb. Antiinhisar halları üzrə 17 iş (16-nın baxılması başa çatdırılıb), haqsız rəqabət halları üzrə 43 iş (33 işin baxılması başa çatdırılıb) qaldırılıb. Baxılan işlər üzrə 6,47 milyon manatdan artıq maliyyə sanksiyası tətbiq edilib".