Azərbaycan İraqı COP29 çərçivəsində keçiriləcək tədbirlərə dəvət edib

Azərbaycan İraqı bu ilin noyabr ayında Bakıda keçiriləcək Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində təşkil olunacaq tədbirlərə dəvət edib.

"Report" xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən Azərbaycan-İraq Biznes Forumunda bildirib.

"Bakı iqlim fəaliyyəti həftəsinin fəaliyyət planına əsasən noyabrın 14-də təşkil ediləcək "Maliyyə, investisiya və ticarət günü” özəl sektora və vətəndaş cəmiyyətinə beynəlxalq iqlim danışıqları ilə yanaşı öz öhdəliklərini ifadə etmək imkanı verəcək", - deyə o qeyd edib.