Azərbaycan Türkiyədən yanvarda 12 mln dollarlıq mebel və meşə məhsulları idxal edib

Bu ilin yanvar ayında Azərbaycan Türkiyədən 12,151 milyon ABŞ dolları dəyərində mebel, kağız və meşə məhsulları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, 2022-ci ilin eyni dövrü ilə müqayisədə 28,7 % çoxdur.

Yanvarda Türkiyənin ümumi mebel, kağız və meşə məhsulları ixracının dəyəri illik müqayisədə 12,4 % artaraq 627 milyon ABŞ dollarına çatıb.

Xatırladaq ki, 2022-ci ildə Azərbaycan Türkiyədən 149,705 milyon ABŞ dolları dəyərində mebel, kağız və meşə məhsulları idxal edib ki, bu da, illik müqayisədə 4,9 % çox olub.