Azərbaycan Türkiyədən taxıl və paxlalı idxalına çəkdiyi xərci 10 %-ə yaxın azaldıb

Bu ilin yanvar ayında Azərbaycan Türkiyədən 10,675 milyon ABŞ dolları dəyərində taxıl, paxlalılar, yağlı toxumlar və onun məhsullarını idxal edib.

"Report" Türkiyə İxracatçılar Məclisinə istinadən xəbər verir ki, bu, ötən ilin eyni dövrünə nisbətən 9,5 % azdır.

Hesabat dövründə Türkiyənin taxıl, paxlalılar, yağl toxumları və onun məhsullarını ixracının ümumi dəyəri illik müqayisədə 9,3 % azalaraq 929 milyon ABŞ dollarına düşüb.

Türkiyədən ən çox bu məhsulların idxalını İraq 109 milyon ABŞ dolları (1 il əvvələ nisbətən 34,3 % az), ABŞ 62,386 milyon ABŞ dolları (10 % çox) və Suriya 54,481 milyon ABŞ dolları (2,8 % az) dəyərində həyata keçirib.