Azərbaycan Türkiyədən polad idxalına çəkdiyi xərci 5 %-ə yaxın azaldıb

Bu ilin yanvar-may aylarında Azərbaycan Türkiyədən 37,587 milyon ABŞ dolları dəyərində polad idxal edib.

“Report” Türkiyə İxracatçılar Məclisinə istinadən xəbər verir ki, bu, 2024-cü ilin eyni dövrü ilə müqayisədə 4,8 % azdır.

Təkcə mayda Türkiyə Azərbaycana 8,301 milyon ABŞ dolları dəyərində polad ixrac edib ki, bu da 1 il əvvələ nisbətən 3,2 % azdır.

Türkiyənin 5 ayda polad ixracının ümumi dəyəri illik müqayisədə 3,5 % artaraq 6 milyard 833 milyon ABŞ dolları, mayda isə 3,6 % artaraq 1 milyard 505 milyon ABŞ dolları olub.