Azərbaycan əsas tədarük bazarından kömür idxalını kəskin artırıb

2024-cü ilin yanvar ayında Azərbaycan 589,3 min ABŞ dolları dəyərində 2 min 840 ton kömür (antrasit, bitumlaşmış və digər) idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 3,7 dəfə, kəmiyyət olaraq – 3,3 dəfə çoxdur.

Hesabat dövründə Azərbaycan Rusiyadan 586 min ABŞ dolları dəyərində (bir il əvvəlki göstəricidən 3,7 dəfə çoxdur) 2 min 839 ton (+3,3 dəfə) və Türkiyədən 3,3 min ABŞ dolları dəyərində (+91 %) 0,7 ton (-65 %) kömür alıb.

2023-cü ildə Azərbaycanın 5 ölkədən idxal etdiyi 8 min 937 ton kömürün 99,7 %-i Rusiyanın payına düşüb.