Azərbaycan daha iki ölkədən faner idxal etməyə başlayıb

Ötən ilin yanvar-noyabr aylarında Azərbaycana 36,155 milyon ABŞ dolları dəyərində 78 min 633 kubmetr yapışqanlı faner idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2021-ci ilin eyni dövrü ilə müqayisədə dəyər ifadəsində 20 %, kəmiyyət olaraq – 16 % çoxdur.

Hesabat dövründə Azərbaycan Rusiyadan 32,297 milyon ABŞ dolları dəyərində (bir il əvvəlki göstəricidən 12 % çoxdur) 69 min 454 kubmetr (+6,5 %), Belarusdan 3,44 milyon ABŞ dolları dəyərində (+2,5 dəfə) 8 min 714 kubmetr (+3 dəfə), Çindən 186 min ABŞ dolları dəyərində (+4,5 dəfə) 195 kubmetr (+3,7 dəfə), Niderlanddan 104 min ABŞ dolları dəyərində (+5,5 dəfə) 19 kubmetr (+2,4 dəfə), Türkiyədən 77,22 min ABŞ dolları dəyərində (+51,3 dəfə) 214 kubmetr (+151 dəfə) material alıb.

Ötən il son 11 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Çili və Vyetnamdan tədarük həyata keçirilib. Həmin ölkələrdən Azərbaycana müvafiq olaraq 2,45 min ABŞ dolları dəyərində 0,27 kubmetr və 0,88 min ABŞ dolları dəyərində 0,11 kubmetr faner gətirilib.