Azərbaycan çay idxalını və ixracını azaldıb

Bu ilin yanvar-avqust aylarında Azərbaycan 8 683 ton çay idxal edib.

“Report” Dövlət Gömrük Komitəsinə istinadən xəbər verir ki, bu həcmdə çayın dəyəri 45 milyon 712 min ABŞ dolları təşkil edib.

Bunlar, ötən ilin eyni dövrü ilə müqayisədə həcm baxımından 850 ton ( 8,9 %), dəyər baxımından isə 2 milyon 492 min ABŞ dolları (5,1 %) azdır.

8 ay ərzində Azərbaycan həmçinin 443 ton çay ixrac edib. Bu həcmdə çay ixracının dəyəri 3 milyon 989 min ABŞ dolları təşkil edib.

Bunlar isə ötən ilin eyni dövrü ilə müqayisədə həcm baxımından 958 ton (68,3 %), dəyər baxımından isə 4 milyon 522 min ABŞ dolları (53,1 %) azdır.