ADY ixrac gəlirlərini 8 dəfədən çox artırıb

Bu ilin yanvar-iyul aylarında "Azərbaycan Dəmir Yolları" QSC (ADY) 1,5 milyon ABŞ dolları dəyərində xidmət ixrac edib.

"Report" xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nın avqust sayında qeyd edilir.

Bu, 2024-cü ilin ilk 7 ayı ilə müqayisədə 1 milyon 322 min ABŞ dolları və ya 8,4 dəfə çoxdur.

Xatırladaq ki, 2024-cü ilin yanvar-iyul aylarında ADY-nin ixrac gəlirləri 178 min ABŞ dolları təşkil edir.

Qeyd edək ki, bu ilin yanvar-iyul aylarında Azərbaycanın qeyri-neft sektoru üzrə ixracı 2024-cü ilin müvafiq dövrü ilə müqayisədə 11,4 % artaraq 2,09 milyard ABŞ dolları təşkil edib.