Rusiyalı hərbi ekspert: "Mülki əhalini, uşaq və qocaları qətlə yetirənlər beynəlxalq canidir"

Bakı. 26 fevral. REPORT.AZ/ "Mülki əhalinin öldürülməsi insanlığa qarşı cinayətdir və zaman anlayışına malik deyil".

“Report” xəbər verir ki, bunu Xocalıda 27 il əvvəl dinc əhaliyə divan tutulmasını şərh edən rusiyalı hərbi ekspert İqor Korotçenko deyib.

“Həmin qatillər həyatda ikən cinayət məsuliyyətinə cəlb olunmalı, beynəlxalq axtarışa verilməlidir. Mülki əhalini, uşaq və qocaları öldürənlər beynəlxalq canidir. Həmin qırğının miqyası, şəhərdən çıxmaq istəyənlərin öldürülməsi soyqırımı əlamətinin göz qabağında olduğunu göstərir. Bu, təkzib oluna, şübhə altına qoyula bilməz, çünki beynəlxalq hüququn təməl müddəasıdır”, - ekspert vurğulayıb.