Türkiyə "Bakı 2015"də 6 velosipedçi ilə təmsil olunacaq

Alaniya. 18 may. REPORT.AZ/ Türkiyə "Bakı 2015" Avropa Oyunlarında 6 velosipedçi ilə təmsil olunacaq. Bu barədə “Report”a Türkiyə Velosiped Federasiyasının prezidenti Emin Müftüoğlu məlumat verib.

E.Müftüoğlu Azərbaycan Velosiped İdmanı Federasiyasının dəvəti əsasında iyunun 12-də Avropa Oyunlarının Açılış Mərasimində iştirak edəcəyini də deyib.

Federasiya prezidenti növbəti Avropa Oyunlarından birinin Türkiyədə keçirilməsini arzuladıqlarını da əlavə edib.