​"Bakı 2015" Avropa Oyunlarında ilk qızıl medal qazanılıb - FOTO

Bakı. 13 iyun. REPORT.AZ/ "Bakı 2015" I Avropa Oyunlarının ilk qızıl medalını İsveçrə yığma komandasının üzvü Jolanda Neff qazanıb.

"Report"un məlumatına görə, 22 yaşlı idmançı qadınlar arasında dağ velosipedi üzrə yarışda Oyunların ilk çempionu olub.

Gümüş medalı da onun həmyerlisi Katrin Ştirneman qazanıb. Polşa idmançısı Mayya Vlojovsk isə bürünc medalla kifayətlənib.