Sabirabadda pambığın məhsuldarlığının artacağı proqnozlaşdırılır

Bu il Sabirabad rayonunda 13,551 hektarda pambıq əkilib.

Bu barədə “Report”un Aran bürosuna Kənd Təsərrüfatı Nazirliyinin Sabirabad rayon Dövlət Aqrar İnkişaf Mərkəzindən məlumat verilib.

Bildirilib ki, cari təsərrüfat ilində pambıq tarlalarında bol məhsul yetişdirilib. Yetişdirilən pambığın 90-95 %-in pambıqyığan maşınlarla yığılması nəzərdə tutulub. Yığıma 50 pambıqyığan maşın, 195 ədəd nəqliyyat vasitəsi və 367 ədəd lafet cəlb olunacaq. Bir neçə gündən sonra maşınla pambıq yığımına kütləvi şəkildə başlanılacaq.

Cari ildə hər hektardan 31,8 sentner məhsul götürülməsi proqnozlaşdırılıb.

Qeyd edək ki, ötən il hər hektarda məhsuldarlıq 28 sentner olub.