İmişlidə pambığın çox hissəsi maşın vasitəsilə yığılacaq

İmişli rayonunda pambıq tarlalarında məhsul əsasən maşınlarla yığılacaq.

Bu barədə “Report”un Muğan bürosuna İmişli Dövlət Aqrar İnkişaf Mərkəzindən bildirilib.

Məlumata görə, bu il rayonda 7 033,7 hektar sahədə pambıq əkilib.

Həmçinin yığımda istifadə olunacaq müxtəlif təyinatlı texnikalar saz vəziyyətə gətirilib. Pambıq yığımında 28 maşın iştirak edəcək. Bununla yanaşı, 53 traktor və 114 yedəkli lafetdən də istifadə olunacaq.

Hazırda pambıq kollarının yarpaqlarının tökülməsi məqsədi ilə tarlalarda defolvasiya işləri aparılır.