Azərbaycanda aqrar sektor 5% böyüyüb

Bu ilin yanvar-sentyabr aylarında Azərbaycanda 7 342,1 milyon manat dəyərində kənd təsərrüfatı məhsulu istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 5 % çoxdur.

Son 1 ildə ölkədə istehsal olunmuş bitkiçilik məhsullarının dəyəri 7,3 % artaraq 3 989,4 milyon manat, heyvandarlıq məhsullarının dəyəri isə 2,6 % artaraq 3 352,4 milyon manat təşkil edib.