Azərbaycan düyü idxalını 15 % azaldıb

Bu ilin yanvar-noyabr aylarında Azərbaycan 43 min 824 ton düyü idxal edib.

“Report” Dövlət Gömrük Komitəsinə istinadən xəbər verir ki, bu həcmdə düyünün dəyəri 31 milyon 760 min ABŞ dolları təşkil edib.

Bu ötən ilin müvafiq dövrü ilə müqayisədə kəmiyyət olaraq 7 min 890 ton (15,2 % ), dəyər ifadəsində isə 3 milyon 671 min ABŞ dolları (10,3 %) azdır.

Hesabat dövründə düyü idxalına çəkilən xərc Azərbaycanın ümumi idxal xərclərinin 0, 31 %-ini təşkil edib.