Azərbaycan Çeçenistandan 1,3 min ton taxıl alıb

Bu ilin yanvar-iyun aylarında Azərbaycan Rusiyanın Çeçenistan Respublikasından 1 320 ton taxıl məhsulu idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, I yarımildə Çeçenistandan ümumilikdə 34 660 tondan çox taxıl məhsulu ixrac edilib ki, bu da, illik müqayisədə 35,5 % çoxdur.

Hesabat dövründə bölgədən ən çox taxıl məhsulu Gürcüstana (11 173 ton), Ermənistana (10 177 ton), İraqa (5 172 ton), İrana (3 227 ton) və Əfqanıstana (1 875 ton) göndərilib.