Kişi voleybolçulardan ibarət "Xilasedici" komandası CEV Çempionlar Liqasının II təsnifat mərhələsində cavab oyununa çıxıb.
"Report"un məlumatına görə, Azərbaycan təmsilçisi Portuqaliyada yerli "Sportinq" klubunun qonağı olub və 3:2 hesablı qələbəyə sevinib.
Komandalar arasında Bakıda keçirilmiş ilk matçda rəqib eyni hesabla qələbə qazandığından qarşılaşmanın taleyi qızıl setdə həll olunub.
Burada üstün çıxış edən (15:13) "Xilasedici" III təsnifat mərhələsinə yüksəlib.