Azərbaycanda 10 ayda mazut və sürtkü yağlarının istehsalı artıb

Bu ilin yanvar-oktyabr aylarında Azərbaycanda 1 milyon 190,2 min ton avtomobil benzini istehsal edilib.

"Report"un Dövlət Statistika Komitəsinə istinadən verdiyi xəbərə görə, bu, 2025-ci ilin yanvar-oktyabr aylarının göstəriciləri ilə müqayisədə 2,7 % azdır.

Ümumilikdə, hesabat dövründə Azərbaycanda neft məhsullarının istehsalı sahəsində istehsalın ümumi dəyəri 5 milyard 146,8 milyon manat olmaqla, əvvəlki ilin eyni vaxtı ilə müqayisədə 4,3 % azdır.

Ötən 10 ay ərzində Azərbaycanda 113,3 min ton mazut istehsal edilib. Bu göstərici 2025-ci il ilin 10 ayı ilə müqayisədə 96,7 % çoxdur.

Ötən aylar ərzində Azərbaycanda 2 milyon 021,9 min ton həcmində dizel yanacağı istehsal edilib ki, bu göstərici də ötən ilin yanvar-oktyabr ayları ilə müqayisədə 4,1 % azdır.

Hesabat dövründə 38,2 min ton sürtkü yağları, 147,3 min ton neft bitumu istehsal edilib. Ötən ilin yanvar-oktyabr ayları ilə müqayisədə Azərbaycanda sürtkü yağlarının istehsalı 24,3 % çox, neft bitumunun istehsalı isə 31,1 % azalıb.

Həmçinin, hesabat dövründə ölkədə 150,9 min ton maye qazlar, 482,1 min ton ağ neft, 214,3 min ton neft koksu istehsal edilib. Son bir ildə Azərbaycanda neft koksunun istehsalı 12 % artıb, ağ neftin istehsalı 17,2 %, maye qazların istehsalı isə 20,4 % azalıb.

Qeyd edək ki, Azərbaycan Dövlət Neft Şirkətinin (SOCAR) Heydər Əliyev adınna Neft Emalı Zavodu regionumuzun yeganə neft emalı müəssisəsi olaraq, Azərbaycanın Ai-92, dizel və təyyarə yanacağı kimi yanacaq məhsulları ilə təmin etməklə yanaşı, SOCAR-ın Azərbaycandakı neft-kimya müəssisələrini də xammal ilə təchiz edir. Zavodda istehsal edilən məhsulun bir qismi isə ixrac olunur. NEZ-in istehsal gücünün artırılması, ölkənin "Avro-5" standartına uyğun olan yüksək keyfiyyətli yanacaqla təmin edilməsi, "Azərikimya" İB-nin sabit xammal təchizatı və neft məhsullarının ixrac potensialının yüksəldilməsi məqsədi ilə həyata keçirilən modernizasiya və yenidənqurma işləri ölkə sənayesi üçün mühüm əhəmiyyət daşıyır.

Digər xəbərlər

Azərbaycan nefti cüzi bahalaşıb 20 noyabr, 2026 / 09:39
Azərbaycan nefti ucuzlaşıb 19 noyabr, 2026 / 09:35
Azərbaycan nefti cüzi bahalaşıb 18 noyabr, 2026 / 09:33