Bakı. 21 may. REPORT.AZ/ Rusiyanın Düşmənçilik edən Tərəflərin Barışdırılması Mərkəzinin nümayəndələri və Suriya hərbçiləri silahlıların nəzarətindən azad edilən Homs vilayətinin şərq hissəsində NATO üzü olan ölkələrdə istehsal olunmuş silah-sursatlarla dolu anbarlar aşkar ediblər.
Bu barədə "Report" RİA "Novosti"yə istinadən xəbər verir.
Mərkəzin nümayəndələrinin bildirdiyinə görə, Homs vilayətinin Zaa Faran kəndində yerləşən "Ən-Nüsrə" terror qruplaşmasının nəzarət-müşahidə postunda çox sayda əleyhiqaz, xarici ölkə istehsalı olan silah, o cümlədən "Tou-2" tank əleyhinə idarəolunan raket aşkarlanıb.
Qeyd edək ki, "Tou-2" tank əleyhinə idarə olunan raketi ötən əsrin 70-ci illərində ABŞ ordusunun arsenalına qəbul edilib və o vaxtdan bəri dəfələrlə modernləşdirilib.