ABŞ prezidenti Donald Trampın tətbiq etdiyi rüsumlar təkcə Böyük Britaniya iqtisadiyyatı üçün deyil, həm də qlobal iqtisadiyyat üçün böyük problem yaradır.
“Report”un “Sky News” telekanalına istinadən verdiyi məlumata görə, bunu Böyük Britaniyanın baş naziri Kir Starmer deyib.
Siyasətçi “Jaguar Land Rover” zavodunda işçilərlə görüş zamanı vurğulayıb ki, avtomobil ixracına 25% və digər mallara 10% tariflər gələcək üçün böyük çağırışdır:
“Bunun qlobal təsirləri dərin ola bilər. Dünya dəyişir və bu yaxınlarda adi qəbul edilən ticarət qaydaları artıq əvvəlki kimi deyil”.