Bakı. 16 iyun. REPORT.AZ/ Böyük Britaniyanın 91 yaşlı kraliçası II Yelizaveta iyunun 16-da Londonun Kennsinqton rayonuna, yanğın baş vermiş “Grenfell Tower” adlı binanın yerləşdiyi ərazini ziyarət edib.
“Report” TASS-a istinadən xəbər verir ki, o, hadisədən zəzərçəkmişlərlə görüşüb.
Onu nəvəsi şahzadə Uilyam müşayiət edib.
Qeyd edək ki, iyunun 14-də çoxmərtəbəli binada baş verən yanğın nəticəsində 17 nəfər ölüb, 65 nəfər itkin düşüb. Binanın 600-ə yaxın sakini olub.