Avstraliya müdafiə qüvvələrinə məxsus helikopter qəzaya uğrayıb.
“Report” ABC-yə istinadən xəbər verir ki, helikopterin göyərtəsində 5 nəfər olub.
Məlumata görə, eyni istiqamətdə uçan iki helikopterdən biri Melburn şəhərinin şimalında Mont Disappointment bölgəsində hələ bilinməyən səbəbdən meşəyə düşüb.
Axtarış-əməliyyat nəticəsində helikopterin yeri təsbit edilib. Hələlik heyət üzvlərinin taleyindən xəbər yoxdur.
Hadisə yerinə xilasedicilər cəlb olunub.