Ötən ilin ilk 11 ayı ərzində Azərbaycana 27,758 milyon ABŞ dolları dəyərində 1,468 milyon ədəd akkumulyator idxal edilib.
“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2021-ci ilin eyni dövrü ilə müqayisədə dəyər ifadəsində 0,4 % çoxdur, kəmiyyət olaraq – 30 % azdır.
Hesabat dövründə Azərbaycan Türkiyədən 6,729 milyon ABŞ dolları dəyərində (bir il əvvəlki göstəricidən 20 % çoxdur) 159 min 605 ədəd (+22 %), Çindən 6,218 milyon ABŞ dolları dəyərində (+41 %) 996 min 406 ədəd (-38 %), Qazaxıstandan 3,661 milyon ABŞ dolları dəyərində (+5 %) 104 min 739 ədəd (-2,4 %), Rusiyadan 1,81 milyon ABŞ dolları dəyərində (-55,3 %) 37 min 340 ədəd (-61,6 %), Belarusdan 1,784 milyon ABŞ dolları dəyərində (+2,3 dəfə) 42 min ədəd (+2,3 dəfə) məhsul alınıb.
Beş il 10 ayın tamamında Cənubi Afrika Respublikasından (CAR) və 3 il 1 aylıq fasilənin ardından Litvadan tədarük bərpa edilib. Həmin ölkələrdən müvafiq olaraq 0,46 min ABŞ dolları dəyərində 1 ədəd və 5,57 min ABŞ dolları dəyərində 26 ədəd akkumulyator gətirilib.