Bu ilin ilk iki ayında Azərbaycan xaricdən 1,1 milyon ABŞ dolları dəyərində 191,8 ton badam alıb.
“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 2,3 dəfə, kəmiyyət olaraq – 2,5 dəfə çoxdur.
Azərbaycan Amerika Birləşmiş Ştatlarından 961,33 min ABŞ dolları dəyərində (bir il əvvəlki göstəricidən 2,3 dəfə çoxdur) 176 ton (+2,5 dəfə), Avstraliyadan 90,41 min ABŞ dolları dəyərində (+3 dəfə) 13,22 ton (+2,6 dəfə), İrandan 15 min ABŞ dolları dəyərində (+25 %) 2,14 ton (+39 %), Birləşmiş Ərəb Əmirliklərindən 2,76 min ABŞ dolları dəyərində 0,15 ton (bir il əvvəl tədarük olmayıb), Lüksemburqdan 1,67 min ABŞ dolları dəyərində (-48 %) 0,11 ton (-42 %) məhsul idxal edib.
Hesabat dövründə Azərbaycandan xaricə 341,3 min ABŞ dolları dəyərində (+9,1 dəfə) 131 ton (+6 dəfə) badam göndərilib.
Azərbaycan Özbəkistana 205,8 min ABŞ dolları dəyərində (+5,6 dəfə) 106,9 ton (+5 dəfə) və Rusiyaya 135,44 min ABŞ dolları dəyərində (+6 772 dəfə) 24 ton (+2 400 dəfə) məhsul satıb.
Qeyd edək ki, 2022-ci ildə Azərbaycandan (8 ölkəyə) ixrac edilən 687,4 ton badamın 76,3 %-i Özbəkistanın payına düşüb.