Masallıda sel sularından zərər çəkən ev uçub - VİDEO

Bakı. 12 noyabr. REPORT.AZ/ Masallı rayonunda daşqına məruz qalan evin bir otağı uçub, digər iki otağı isə qəzalı vəziyyətə düşüb. "Report"un məlumatına görə, hadisə rayonun Mollaoba kəndində baş verib. Kənd sakini 47 yaşlı Əvəz Ağabala oğlu Baxşıyevə məxsus yaşayış evi sel sularına məruz qaldığı üçün uçub.

Hadisə gecə saatlarında baş verib. Evdə yaşayan ailə qonşu otaqda yatdığı üçün xəsarət alan olmayıb.

Ev sahibi Ə.Baxşıyev "Report"a bildirib ki, evin bir otağı iki il əvvəl baş verən daşqınlar zamanı uçub.