Bakı. 12 mart. REPORT.AZ/ Nazirlər Kabineti yanında Terminologiya Komissiyasının yeni bölmələrinin tərkibi təsdiq edilib.
"Report" xəbər verir ki, bununla əlaqədar olaraq AMEA Rəyasət Heyətinin bugünkü iclasında bir sıra qərarlar qəbul edilib.
Qərarın icrasına nəzarət AMEA-nın vitse-prezidenti, akademik İsa Həbibbəyliyə həvalə edilib.
Qeyd edək ki, AMEA Rəyasət Heyəti yanında Terminologiya Komissiyasının bazası əsasında dövlət baçşısının sərəncamına əsasən Nazirlər Kabineti yanında Terminologiya Komissiyası yaradılıb. Komissiyanın fəaliyyətinin təşkili üçün ayrı-ayrı sahələr üzrə terminolojı lüğətlərin müzakirəsini təşkil etmək məqsədilə bölmələrin tərkibinə yenidən baxmaq zərurəti yaranıb.