Bakı. 28 mart. REPORT.AZ/ Azərbaycan prezidenti İlham Əliyev martın 28-də ölkəmizə yeni təyin olunmuş bir sıra dövlətlərin səfirlərinin etimadnamələrini qəbul edib.
"Report" xəbər verir ki, Seyşel Adaları, İrlandiya, Ekvador, Peru, Uruqvay, Slovakiya, Həbəşistan, Monteneqro və Venesuela diplomatları Dik Esparo, Brendan Uard, Humberto Vinueza Rodriqez, Xorke Abarka del Karpio, Anibal Kabral Seqalerba, Peter Pripute, Ayalev Qobezie Vorkneh, Branko Miliç və Amenothep Zambrano Kontreras öz etimadnamələrini ölkə başçısına təqdim ediblər.
Görüşlər zamanı ikitərəfli münasibətlərə toxunulub.