YAP nümayəndə heyəti Antalya Azərbaycan Kültür və Dayanışma Dərnəyini ziyarət edib

Türkiyədə səfərdə olan Yeni Azərbaycan Partiyasının (YAP) nümayəndə heyəti Antalya Azərbaycan Kültür və Dayanışma Dərnəyini ziyarət edib.

"Report"un Antalyaya ezam olunmuş əməkdaşı xəbər verir ki, təşkilatın qurucusu və sədri Azər İsmayıl təşkilatın iş fəaliyyəti barədə nümayəndə heyətinə məlumat verib.

Bildirilib ki, dərnək Azərbaycan türkləri arasında maddi və mənəvi dəstəyi təmin etmək, mədəniyyət və folklorumuzu tanıtmaq məqsədilə yaradılıb.

Azərbaycan nümayəndə heyətinin üzvləri çıxışlarında iki ölkə arasında qardaşlıq əlaqələrinin bundan sonra daha da dərinləşməsi və inkişaf etdirilməsi istiqamətində səylərin artırılacağını ifadə ediblər.

Sonda xatirə şəkli çəkdirilib.

Daha sonra YAP nümayəndə heyətinin üzvləri Antalyada fəaliyyət göstərən iş adamları ilə görüşüb.

Qeyd edək ki, Azərbaycan nümayəndə heyətinin tərkibində YAP Veteranlar Şurasının üzvü, Milli Məclisin Aqrar siyasət komitəsinin sədri Tahir Rzayev, deputatlar Ramil Həsən, Aydın Mirzəzadə, Rəşad Mahmudov, Sevil Mikayılova təmsil olunurlar.