Bakı 14° C
https://static.report.az/photo/bbc0499e-ecda-39b3-8fdd-32b034851686.jpg
Aprelin 4-də Xarici İşlər Nazirliyində Azərbaycan və Rusiya arasında diplomatik münasibətlərin qurulmasının 30-cu ildönümü münasibətilə tədbir və sərgi keçirilib.
XİN-dən "Report"a verilən məlumata görə, tədbirdə Azərbaycan XİN-in rəhbər heyəti, Rusiyanın Azərbaycandakı Səfirliyinin rəhbərliyi və əməkdaşları iştirak ediblər.
Tədbir hər iki ölkənin dövlət himnlərinin səslənməsi ilə başlayıb.
Azərbaycan xarici işlər nazirinin müavini Fariz Rzayev iki ölkə arasında diplomatik münasibətlərin 4 aprel 1992-ci ildə qurulmasına baxmayaraq, münasibətlərin tarixinin daha qədim olduğunu qeyd edib. SSRİ-nin dağılmasından sonra iki ölkə arasında ənənəvi dostluq və qarşılıqlı hörmətə əsaslanan münasibətlərin saxlanılmasında Azərbaycan xalqının ümummilli lideri Heydər Əliyevin müstəsna rolu olduğunu bildirən nazir müavini iki ölkənin dövlət başçıları arasında qarşılıqlı etimada əsaslanan siyasi dialoq sayəsində bugün müxtəlif sahələrdə, o cümlədən siyasi, iqtisadi, humanitar və təhsil sahələrində Azərbaycan və Rusiya arasında səmərəli əməkdaşlığın mövcud olduğunu ifadə edib. Nazir müavini Ermənistan ilə Azərbaycan arasında münasibətlərin normallaşmasında Rusiyanın vasitəçi rolunu yüksək qiymətləndirdiyimizi bildirib və regionda sülh və sabitliyə nail olmaq üçün imzalanmış üçtərəfli bəyanatların bütün müddəalarının tam şəkildə yerinə yetirilməsinin mühüm şərt olduğunu vurğulayıb.
Rusiyanın Azərbaycandakı səfiri Mixail Boçarnikov son 30 ildə iki ölkə arasında münasibətlərin inkişaf dinamikasından bəhs edərək əlaqələrin davamlı şəkildə yüksələn xətt üzrə irəlilədiyini qeyd edib. Münasibətlərin təməlində yaxın zamanlarda 25 illiyini qeyd edəcəyimiz Rusiya Federasiyası və Azərbaycan Respublikası arasında dostluq, əməkdaşlıq və qarşılıqlı təhlükəsizlik haqqında 3 iyul 1997-ci il tarixli Müqavilənin dayandığı qeyd edilib və növbəti illərdə iki ölkə arasında imzalanan birgə sənədlər məmnununluqla vurğulanıb. Azərbaycan və Rusiya arasında münasibətlərin inkişafının əsasında iki dövlət başçısı arasında mövcud olan yaxşı münasibətlər ilə yanaşı, iki xalq arasında tarixən mövcud olan sıx təmasların durduğu bildirilib. 30 il bundan öncə əsası qoyulan münasibətlərin bugün öz bəhrəsini verdiyini qeyd edən səfir, əlamətdar gün münasibətilə öz təbriklərini tədbir iştirakçıları ilə bölüşüb.
Tədbirin sonunda iştirakçılar Azərbaycan və Rusiya arasında diplomatik münasibətlərin 30 illiyinə həsr edilmiş sərgi ilə tanış olublar.
Xarici İşlər Nazirliyində Azərbaycan və Rusiya arasında diplomatik münasibətlərin qurulmasının 30 illiyinə həsr olunmuş tədbir keçirilir.
“Report” xəbər verir ki, bu barədə Azərbaycan XİN-in tviter səhifəsində bildirilib.
Hal-hazırda: XİN-də və arasında diplomatik münasibətlərin qurulmasının 30 illiyinə həsr olunmuş tədbir başladı.
— MFA Azerbaijan (@AzerbaijanMFA)
Happening now: Exhibition dedicated to 30th Anniversary of the establishment of diplomatic relations btw & has started.
