XİN: Yunanıstanda meşə yanğınlarında ölən və yaralananlar arasında Azərbaycan vətəndaşları yoxdur

Bakı. 24 iyul. REPORT.AZ/ "Yunanıstanda baş verən meşə yanğınlarında ölən və yaralananlar arasında Azərbaycan Respublikası vətəndaşları yoxdur".

"Report" xəbər verir ki, bunu XİN-nin Mətbuat xidmətinin rəhbəri Hikmət Hacıyev bildirib.

"Azərbaycanın Yunanıstandakı səfirliyindən verilən məlumata görə bu ölkədə tüğyan edən meşə yanğınlarında ölən və yaralananlar arasında Azərbaycan Respublikası vətəndaşlarının olması qeydə alınmayıb.

Yunanıstandakı səfirliyimizin davamlı əsasda bu ölkənin müvafiq qurumları ilə təmasdadır", deyə XİN rəsmisi əlavə edib.