Türkiyənin baş naziri Binəli Yıldırım Naxçıvana səfərə gedib

Bakı. 20 dekabr. REPORT.AZ/ Türkiyənin baş naziri Binəli Yıldırım dekabrın 20-də Naxçıvan Muxtar Respublikasına səfərə gedib.

“Report” xəbər verir ki, Naxçıvan Beynəlxalq Hava Limanında Türkiyənin baş nazirini Naxçıvan Muxtar Respublikası Ali Məclisinin Sədri Vasif Talıbov qarşılayıb.

Daha sonra Binəli Yıldırım Azərbaycan xalqının ümummilli lideri Heydər Əliyevin Naxçıvan şəhərinin mərkəzində ucaldılan abidəsini ziyarət edib.

Baş nazir abidənin önünə əklil qoyub.