Türkiyə - Afrika İttifaqı Əməkdaşlıq Zirvəsi sentyabr ayında baş tutacaq

"Afrika bizim üçün həqiqi dostlarımızın olduğu qitədir. Zimbabve, Qvineya-Bisau kimi Afrika dövlətləri ilə əlaqələrimizin bür cür dinamik inkişaf edəcəyini təxmin etməmişdik"

"Report" xəbər verir ki, bu fikirləri Türkiyənin xarici işlər naziri Mövlud Çavuşoğlu Qvineya-Bisaunun Ankaradakı Səfirliyinin açılış mərasimində çıxış edərkən deyib.

O, Afrika ölkələri ilə əməkdaşlığın güclənməsi və yeni layihələr üzərində birgə fəaliyyət sahələrinin formalaşması məqsədilə Türkiyə - Afrika İttifaqı Əməkdaşlıq Zirvəsinin sentyabr ayında keçirilməsinin planlaşdırıldığını da vurğulayıb.