Yuxarı
    Bağlamaq

    Ştaynmayer: "Dağlıq Qarabağ münaqişəsinin həllində ATƏT-in rolu həmişəkindən daha vacibdir"

    ATƏT XİN başçıları Potsdamda siyasi böhranlar və həll olunmamış münaqişələrin çıxış yollarını müzakirə edəcəklər

    Bakı. 31 avqust. REPORT.AZ/ Gündəmdə olan bütün əsas məsələlər ATƏT-in Xarici İşlər Nazirləri Şurasının qeyri-rəsmi görüşündə müzakirə olunacaq.

    "Report" RİA "Novosti"yə istinadən xəbər verir ki, bu barədə ATƏT-in fəaliyyətdə olan sədri, Almaniya xarici işlər naziri Frank-Valter Ştaynmayer bildirib.

    "Böhranların dünyanı cənginə aldığı indiki vaxtda Dağlıq Qarabağ, Şərqi Ukrayna, Dnestryanı və Avropada mövcud olan digər münaqişələrin həllində, böhranın idarə edilməsində ATƏT-in rolu həmişəkindən daha vacibdir. Bunu həm də sülh və təhlükəsizliyin təminatı məsələsi ilə bağlı deyə bilərik", - Almaniyanın XİN başçısı vurğulayıb.

    Xatırladaq ki, XİN Şurasının görüş sentyabrın 1-də Almaniyanın Potsdam şəhərində keçiriləcək. Görüşdə Azərbaycan xarici işlər naziri Elmar Məmmədyarov da iştirak edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi