Serbiyalı nazir: EXPO-2027-də Azərbaycan pavilyonunu görmək istəyirik

Belqradda keçiriləcək EXPO-2027 sərgisində 3 milyon insanın gəlməsi gözlənilir və biz bu sərginin mərkəzində Azərbaycan pavilyonunu görmək istəyirik.

“Report” xəbər verir ki, bunu Serbiyanın xarici işlər naziri Marko Curiç Azərbaycanın xarici işlər naziri Ceyhun Bayramovla Bakıda birgə keçirilən mətbuat konfransında deyib.

O qeyd edib ki, həmin vaxta kimi çox işlər görülməlidir və bunun üçün də əməkdaşlıq önəmlidir.

Serbiya XİN başçısı vurğulayıb ki, Serbiyanın simasında Azərbaycanın çox etibarlı bir dostu var: "Bundan sonra da Azərbaycan Serbiyaya etibar edə bilər".