Bakı. 20 dekabr. REPORT.AZ/ "Rusiya səfirinin Ankarada öldürülməsi əməkdaşlıq ideallarına qorxaq zərbədir."
"Report" xəbər verir ki, bu barədə Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov MDB-nin 25 illiyinə həsr olunmuş "dəyirmi masa"da çıxış edərkən bildirib.
"Bu qətl əməkdaşlıq və indi region üçün çox vacib olan sülh ideallarına gizli, qorxaq zərbədir" - S.Seyidov vurğulayıb.
O, təxribatın baş tutmayacağını və səfirin öldürülməsinin arxasında dayanan qüvvələrin Türkiyə-Rusiya münasibətlərinə zərər vura bilməyəcəyini qeyd edib.