Səfir: "Zəfər Günü həmçinin 84 milyonluq türk millətinin bayramıdır"

“2020-ci il sentyabrın 27-də Azərbaycan Ermənistanın növbəti təxribatına cavab verərək 8 noyabrda zəfər çaldı, Şuşanı azad etdi”.

“Report” xəbər verir ki, bunu Azərbaycanın Türkiyədəki səfiri Rəşad Məmmədov 8 Noyabr - Zəfər Günü münasibətilə müsahibəsində deyib.

“Biz bu gün həm müstəqilliyimizin otuzuncu ildönümünü, həm də Qarabağın azad olunmasını birlikdə qeyd edirik. Bu, tək Azərbaycanın deyil, həmçinin 84 milyonluq türk millətinin bayramıdır”.