Səfir: “Şuşa Bəyannaməsi Türkiyə-Azərbaycan birliyinin sarsılmaz olduğunun dünyaya elanıdır”

“Ölkələrin bir siyasəti var. Şuşa Bəyannaməsi sonuna qədər müttəfiqlik əlaqəsidir”.

“Report”un xəbərinə görə, bunu Türkiyənin Azərbaycandakı səfiri Cahit Bağcı Azərbaycan Xarici İşlər Nazirliyi ilə ADA universitetinin birgə həyata keçirdiyi “Müharibədən sonrakı dövrdə Azərbaycanın sülh və yaradıcılıq təşəbbüsləri” mövzusunda “Diplomatiya həftəsi” çərçivəsində "Şuşa Bəyannaməsindən sonra Türkiyə-Azərbaycan müttəfiqlik münasibətləri, yeni regional reallıqlar və Qarabağın yenidən qurulması və inkişafında Türkiyənin rolu" haqqında Diplomatiya Həftəsi iştirakçıları qarşısında çıxış edərkən deyib.

“Fikrimiz müttəfiq olmaq idi. Biz də müttəfiqik. Şuşa Bəyannaməsi diplomatların da yol xəritəsidir. Şuşa Bəyannaməsi əslində Türkiyə və Azərbaycan birliyinin sarsılmaz olduğunun dünyaya elanıdır”.