Yuxarı

​Səfir: "ABŞ Azərbaycana bərabərhüquqlu tərəfdaş kimi baxır"

ABŞ və Azərbaycan bir sira mühüm sahələrdə əməkdaşlıq edir

Bakı. 2 iyun. REPORT.AZ/ "ABŞ və Azərbaycan bir sıra mühüm sahələrdə əməkdaşlıq edir. Buraya iqtisadi diversifikasiya, enerji təhlükəsizliyi və demokratik inkişaf da daxildir". "Report"un verdiyi xəbərə görə, bu barədə XXII "Xəzər neft-qaz" beynəlxalq sərgi və konfransın açılışına həsr edilmiş qəbulda ABŞ-ın Azərbaycandakı səfiri Robert Sekuta deyib.

"ABŞ Azərbaycana bərabərhüquqlu tərəfdaş kimi baxır və biz stabil, çiçəklənən, demokratik Azərbaycana yönəlmiş əməkdaşlığımızı davam etdirəcəyik", - R.Sekuta bildirib.

I Avropa Oyunlarından söz açan səfir qeyd edib ki, oyunlara hazırlıq prosesi böyük zəhmət tələb edib: "Bu müddətdə mən Azərbaycanda, Bakıda idim və tikintinin necə getdiyinin şahidi oldum. Bu cür tədbirləri biz insanları birləşdirmək, onların bir-birini tanıması üçün gözəl fürsət kimi dəyərləndiririk. Bununla əlaqədar olaraq mən bütün iştirakçılara uğur diləyirəm və azərbaycanlı idmançılara qələbə arzulayıram". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi