Sabiq səfir: İƏT-də maliyyə məsələlərini güclü bir ölkə öz üzərinə götürməlidir

İqtisadi Əməkdaşlıq Təşkilatında maliyyə məsələlərini güclü bir ölkə öz üzərinə götürməlidir.

“Report” xəbər verir ki, bunu Azərbaycanın İrandakı keçmiş səfiri Cavanşir Axundov “Azərbaycan və İqtisadi Əməkdaşlıq Təşkilatı (İƏT): İmkanlar və perspektivlər” mövzusunda keçirilən panel müzakirəsində sonra keçirilən sual-cavab sessiyasında deyib.

Onun sözlərinə görə, hər bir təşkilatda lokomotiv olur və onu irəliyə aparır:

"İqtisadi Əməkdaşlıq Təşkilatında da isə belə bir lokomotiv ölkənin olmasına imkan verilmir. Xüsusilə maliyyə məsələlərini güclü bir ölkə öz üzərinə götürməlidir. Ümumiyyətlə, təşkilatın inkişafında dövlətçilik eqoizmindən imtina etmək lazımdır”.