Pakistanın federal təhsil naziri: “Qoşulmama Hərəkatı bir çox problemlərin həllində mühüm rol oynayır”

“Qoşulmama Hərəkatı bir çox problemlərin həllində mühüm rol oynayır”.

“Report” xəbər verir ki, bunu Pakistanın federal təhsil naziri Rana Tanvir Hussain Bakıda Qoşulmama Hərəkatının Əlaqələndirmə Bürosunun Nazirlər görüşündə deyib.

O, Qoşulmama Hərəkatının əhəmiyyətini və təşkilatın malik olduğu imkanları qeyd edib.

R. Hussain Cammu və Kəşmir məsələsinə toxunaraq, bu ərazilərin Hindistan tərəfindən işğalının hələ də davam etdiyini qeyd edib.

Nazir həmçinin müsəlman miqrantların ölkəyə girişinə qadağalar, İsveçdə Quran-Kərimin yandırılması, hicab qadağası və s. kimi islamofobiyanın dünyada təzahürlərinə qarşı daha fəal mübarizə aparmağa çağırıb.