Özbəkistandakı Azərbaycan Mədəniyyət Mərkəzinə yeni rəhbər təyin edilib

Akif Marifli Özbəkistandakı Heydər Əliyev adına Azərbaycan Mədəniyyət Mərkəzinə yeni rəhbər təyin edilib.

Bu barədə "Report"a Özbəkistanın Azərbaycandakı səfirliyindən məlumat verilib.

Bildirilib ki, o bu təyinata qədər Mədəniyyət Nazirliyinin Kitab sənayesi şöbəsinin müdiri vəzifəsində çalışıb.

Qeyd edək ki, A.Marifli Bakı Dövlət Universitetində tarix ixtisası üzrə bakalavr, Türk dünyası tarixi ixtisası üzrə magistr təhsili alıb.

AMEA-nın akademik Z.M.Bünyadov adına Şərqşünaslıq İnstitutunun doktoranturasında təhsilini davam etdirib. Tarix üzrə fəlsəfə doktorudur. Azərbaycan Prezidenti yanında Dövlət İdarəçilik Akademiyasının elmlər doktoru proqramı üzrə doktoranturasını bitirib.