Yuxarı

Novruz Məmmədov: "Avropa Şurasının belə bir mövqeyi Azərbaycanın bu təşkilatda qalmasını sual altında qoyur"

AŞPA üçün beynəlxalq hüquq heç bir əhəmiyyət kəsb etmir

Bakı. 25 iyun. REPORT.AZ/ "Avropa İttifaqının bəzi strukturlarıyla birlikdə Avropa Şurası Parlament Assambleyası da onlar üçün beynəlxalq hüququn heç bir əhəmiyyət kəsb etmədiyini nümayiş etdirir və onlar üçün “biz necə istəyirik, o da olmalıdır” prinsipinin əsas olduğunu göstərir".

"Report"un məlumatına görə, bunu Azərbaycan Prezidenti Administrasiyası (PA) rəhbərinin müavini, PA-nın Xarici əlaqələr şöbəsinin müdiri Novruz Məmmədov özünün "Twitter" səhifəsində yazıb.

PA rəsmisi bildirib ki, bu qurumların Dağlıq Qarabağ münaqişəsi ilə bağlı mövqeyi bunu açıq-aydın göstərir. "İkili standartın digər nümunəsi də budur. Təəssüflər olsun ki, Avropada bu siyasətin hara apardığını və nə ilə nəticələnə biləcəyini hələ anlaya bilmirlər.

Avropa Şurasının belə bir mövqeyi Azərbaycanın bu təşkilatda qalmasını sual altında qoyur".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi