Marko Curiç: Azərbaycan son 10 ildə ÜDM-in iki dəfə artırılmasında Serbiyaya dəstək verib

Serbiya son 10 ildə Ümumi Daxili Məhsulunu (ÜDM) iki dəfə artırıb.

“Report” xəbər verir ki, bunu Serbiyanın xarici işlər naziri Marko Curiç Azərbaycanın xarici işlər naziri Ceyhun Bayramovla Bakıda birgə keçirilən mətbuat konfransında deyib.

O qeyd edib ki, Azərbaycan bütün bu işlərin görülməsində Serbiyaya dəstək verib.

“Biz Azərbaycanın etibarlı tərəfdaşı olmaq istəyirik. Bundan da irəli gedərək iqtisadi əlaqələrimizin sıx olmasında maraqlıyıq. Bakıda baş verən dəyişiklik məndə çox müsbət fikirlər formalaşdırdı. Biz dostluğumuzu şəbəkə halına gətirməliyik”, - nazir bildirib.