Nazir: Ermənistan konstitusiyasında bir sıra normativ hüquqi aktlar sülh üçün ən ciddi təhdiddir

Ermənistan konstitusiyasında bir sıra normativ hüquqi aktlar Azərbaycana qarşı hələ də qalır, bu, sülh və normallaşma üçün ən ciddi təhdiddir.

“Report” xəbər verir ki, bunu Azərbaycanın xarici işlər naziri Ceyhun Bayramov Serbiyanın xarici işlər naziri Marko Curiçlə Bakıda birgə keçirilən mətbuat konfransında deyib.

“2020-ci ildəki 44 günlük müharibə və 2023-cü ildəki 23 saatlıq lokal xarakterli antiterror tədbirləri barədə həmkarımı məlumatlandırdım. İşğaldan azad edilən ərazilərdəki bərpa-quruculuq işləri barədə də əlavə məlumatlar verdim, həmçinin mina təhdidi barədə məlumatlandırdım. Bundan başqa, serb həmkarıma Ermənistan-Azərbaycan münasibətlərinin normallaşması istiqamətində Azərbaycanın atdığı addımlar barədə məlumat verdim, iki ölkə arasında delimitasiya istiqamətindəki müsbət addımları qeyd etdim”, - XİN başçısı bildirib.