Mövlud Çavuşoğlu Azərbaycana başsağlığı verib

“Bu gün baş verən faciəvi helikopter qəzasında şəhid olan azərbaycanlı qardaşlarımıza Allahdan rəhmət, yaralılara şəfa diləyirəm”.

“Report” xəbər verir ki, bunu Türkiyənin xarici işlər naziri Mövlud Çavuşoğlu tviterdə yazıb.

“Qəhrəman Azərbaycan Silahlı Qüvvələri və Can Azərbaycan hökumətinin və xalqının başı sağ olsun”, - o əlavə edib.

Bundan başqa, M.Çavuşoğlu bu gün Azərbaycanın xarici işlər naziri Ceyhun Bayramova zəng edib və helikopter qəzası ilə bağlı başsağlığı verib.