Mariya Zaxarova: "Soçidə Azərbaycan, Rusiya və Ermənistan XİN başçılarının görüşü olmayıb"

Soçidə Azərbaycan, Rusiya və Ermənistan Xarici İşlər nazirliklərinin nümayəndələri arasında görüş və danışıqlar olmayıb.

“Report” xəbər verir ki, bunu Rusiya XİN sözçüsü Mariya Zaxarova deyib.

O sadəcə 3 ölkənin XİN başçılarının söhbət etdiklərini, müzakirə apardıqlarını söyləyib: "Bu nümayəndə heyətlərinin danışıqları deyildi".

Qeyd edək ki, oktyabrın 31-də Soçidə Azərbaycan Prezidenti İlham Əliyevin Rusiyanın dövlət başçısı Vladimir Putin və Ermənistanın Baş naziri Nikol Paşinyan ilə görüşü olub. Liderlər müzakirələrin sonunda bəyanat imzalayıblar.