İqtisadi Əməkdaşlıq Təşkilatının Zirvə toplantısı başlayıb

İqtisadi Əməkdaşlıq Təşkilatının Zirvə toplantısı başlayıb Azərbaycan Prezidenti İlham Əliyev Zirvə toplantısında iştirak edir
Xarici siyasət
165
4 Mart , 2021 15:24
İqtisadi Əməkdaşlıq Təşkilatının Zirvə toplantısı başlayıb
0 : 00
0 : 00

İqtisadi Əməkdaşlıq Təşkilatının (İƏT) videokonfrans formatında 14-cü Zirvə toplantısı keçirilir.

“Report” xəbər verir ki, iclasda təşkilata üzv ölkələrin dövlət və hökumət başçıları iştirak edirlər.

Azərbaycan Prezidenti İlham Əliyev Zirvə toplantısında iştirak edir.

İclasa Türkiyə Prezidenti Rəcəb Tayyib Ərdoğan, Pakistanın baş naziri İmran Xan, Əfqanıstan Prezidenti Məhəmməd Əşrəf Qani, Tacikistan Prezidenti Emoməli Rəhmon, Özbəkistan Prezidenti Şavkat Mirziyoyev, Qırğız Respublikasının Prezidenti Sadır Japarov, Şimali Kipr Türk Respublikasının Prezidenti Ərsin Tatar, Türkmənistan Prezidenti Qurbanqulu Berdiməhəmmədov, İranın xarici işlər naziri Məhəmməd Cavad Zərif qatılıb.

Şimali Kipr Türk Respublikasının Prezidenti Ərsin Tatar toplantıda müşahidəçi ölkənin rəhbəri kimi iştirak edir.

Qeyd edək ki, İƏT hökumətlərarası təşkilat kimi, 1985-ci ildə Türkiyə, İran və Pakistan arasında iqtisadi, texniki və mədəni əməkdaşlığı möhkəmləndirmək məqsədilə yaradılıb. Təşkilat 1964-1979-cu illərdə fəaliyyət göstərən Regional Əməkdaşlıq və İnkişaf Təşkilatının davamçısı sayılır. 1992-ci il noyabrın 28-də 7 ölkə - Azərbaycan, Əfqanıstan, Qazaxıstan, Qırğızıstan, Özbəkistan, Tacikistan və Türkmənistan İƏT-ə qoşulub və hazırda təşkilatın 10 üzv ölkəsi var. İƏT-in genişləndiyi həmin gün təşkilatın təqvimində “İƏT günü” kimi qeyd edilir.

Son xəbərlər

Orphus sistemi